Tuesday, April 22, 2014

من علامات الصحة والمرض عند الحيوان السليم



************************
- يأكل ويشرب ويستجر
ويتحرك وينمو
وينتج بصورة طبيعية.

- جلده ناعم ومكسو بشعر أملس ناعم,
والجسم مكتنز باللحم.

- العينين صافيتين ولامعتين ونظيفتين
وفتحتي الأنف نظيفتين
والفم سليم وخالي من العيوب.

- يتبرز ويتبول بشكل طبيعي
والمؤخرة نظيفة من الأوساخ.

- الضرع إسفنجي القوام منتظم الشكل لدى الاناث
والخصيتين سليمة لدى الذكور.

- القوائم والأظلاف سليمة
وخالية من الأورام والجروح.

من علامات الصحة والمرض عند الحيوان المريض:
************************************

- قد تلاحظ قلة الشهية للأكل والشرب
والاجترار أو انعدام الشهية تماما.

- قد تلاحظ دموع وأوساخ ومخاط
وكثير من اللعاب
وجروح عفنة داخل الفم وعلى الشفتين.

- قد تلاحظ حبوب منتشرة على جسم الحيوان
وتحت الذيل والفخذين
وجروح بين الظلفين وعرج.

- قد يسمع صوت سعال وكحة
وانين وزحار وعطاس
او سوائل من فتحات جسم الحيوان,
وفتحة التناسل متسخة
أو إجهاض في عدة حيوانات.

- هزال الحيوان أو اصفرار العينين
والمهبل
وورم تحت الفك (الغبغب )
وبين اليدين.

- ورم الضرع واحمراره وسخونة وتغير الحليب,
وأحيانا ازرقاق الضرع وسقوطه.

- أورام على جسم الحيوان ( صنافير )
أو نفخة الكرش أو الرأس......

- ارتفاع درجة حرارة جسم الحيوان,
والتي تعتبر من أهم المؤشرات على الصحة والمرض


**********************
لذلك على المزارع
التدريب على طرق قياس درجة الحرارة
وأهمها استخدام الترمومتر الرقمي
عبر المستقيم
وتتلخص بالاتي:
- امسح جيدا سطح الترمومتر
بقطنه مبلله بمطهر الايودين
من أسفل شاشة الأرقام حتى الرأس المعدنية للترمومتر.

- اضغط زر التشغيل الترمومتر
وضع بعض الزيت على راس الترمومتر كمزلج.

- ادخل راس الترمومتر إلى العمق المناسب داخل المستقيم

حسب حجم الحيوان
على إن تبقى شاشة الأرقام خارج.

- يكون الترمومتر مائل
حتى يلامس رأسه المعدني سطح المستقيم.

- تسجل درجة الحرارة
بعد إن يصدر الترمومتر صوتا
وتتوقف الأرقام على ألشاشه
حيث تعرف إن
الحيوانسليم بدرجة حرارته وهي

الأغنام 38,5- 40م5
الأبقار 38,5-39,5م5
الجمال 37- 40 م5 إ

ما إذا كانت اكبر أو اصغر فالحيوان مريض

9:42 PM
اقرأ المزيد
مرسلة بواسطة في 9:42 PM 0 التعليقات
Sunday, April 20, 2014
Friday, April 18, 2014

كيف تتعامل مع السموم الفطرية في مزرعة الدواجن


السلام عليكم ورحمه الله وبركاتهانا عاوز اتكلم فى موضوع مهم جدا وهو مشكله السموم الفطريه فى الدواجن وطريقه عمل مضادات السموم الفطريه الموجوده فى السوق وبرجاء من كل الاخوه الزملاء ان يقروا الموضوع ده ويكتبوا تعليقاتهم ووجهه نظر كل واحد واهم شىء هو اى تجارب حقليه وخبرات شخصيه بخصوص ذلك الموضوع الهام والخطير جدا جدا...باختصار شديد ان السموم الفطريه من الاشياء التى توثر بالسلب بشكل كبير على الدجاج بجميع انواعه تسمين وبياض وامهات ودى بعض المشاكل الى ممكن تسببها السموم :1- تثبيط الجهاز المناعى لدى الطيور مما يودى الى زياده فرصه الاصابه بالامراض الفيروسيه والبكتيريه وايضا فشل التحصينات التى تعطى للطيور .2- التاثير على الانتاج قد يكون انتاج اللحم مما يودى الى قله الاوزان فى دجاج التسمين وايضا قله انتاج البيض والخصوبه فى دجاج البيض ودجاج الامهات مما يودى الى خسائر اقتصاديه فادحه فى المزارع .3- السموم الفطريه هى بمثابه البوابه لدى الطائئر اى عند الاصابه بها تفتح المجال لاى عدو اخر ليغزو جسم الطائر واصابته .4- عدم الاستفاده من العناصر الغذائيه الموجوده فى العلائق وايضا عدم الاستفاده بنسبه جيده من الدويه التى تستخدم فى ماء الشرب لدى الطيور .هناك العديدي والعديد من الاثار الجانبيه للسموم الفطريه ولكن اعتقد ان تلك الاسباب من اهمها ....ليه مشكله السموم دايما موجوده فى المزارع على الرغم من وجود طرق للحد او تقليل الاصابه بالسموم الفطريه ؟1- استخدام الذره فى العلائق والذى يكون قد تم تخزينه لمده طويله داخل الصوامع او تم استيراده من الخارج مما يعرضه للبقاء فى السفن والمخازن لمده طويله وهى ظروف ملائمه جدا لنمو الفطريات والتى تقوم بافراز السموم الفطريه داخل العلايق.2- ان يتم تخزين العلف داخل المزارع بطريقه خاطئه ولمده طويله على ارضيه العنبر دون رفعه عن الارضيه باستخدام الواح الخشب مما يعرضه للرطوبه الزائده .3- عدم استخدم مضاد سموم وقائى فى العليقه جيد ومناسب مما يودى الى تراكم السموم التدريجى فى العلائق .ازاى اتعرف على مشاكل السموم خلال التشريح للطيور هناك العديد من الاشياء ولكن اهمها :1- وجود علف لونه اخضر متعفن داخل المعده للطائر .2- مشاكل فى الكبد تضخم او دهون او تفتت فى الكبد واحتقانات .3- التهابات فى الكلى .4- وجود انزفه على عضلات الطائر مثل الكدمات .5- حالات استسقاء فى بطن الطائر .6- ضمور فى غده البرسا لتاثر الجهاز المناعى للطيور .البرنامج الوقائى والعلاجى للحد من الاصابه بالسموم الفطريه :1- استخدام علف من مصدر موثوق بيه ومحاوله علف الدجاج اول باول دون الحاجه الى تخزين العلف لمده طويله .2- تخزين العلف فى مخازن نظيفه بعيد عن اى رطوبه وايضا محاوله رفع شكاير العلف عن الارضيه باى الواح من الخشب .3- استخدام مضاد للسموم الفطريه فى العلف وبصفه مستمره وان يكون جيد ومن شركه موثوق بها .4- محاوله تنزيل جرعات مستمره من مضادات السموم فى ماء الشرب ولتكن جرعه اسبوعيه لغسيل جسم الطائر من اى سموم قد تكون قد تراكمت واصاباته ولو اصابات خفيفه دون ان تسبب اى نافق او عراض ظاهريه واضحه على الطيور .ما هى الشروط الواجب توافرها فى مضاد السموم المستخدم فى ماء الشرب ؟1- ان يكون له القدره على التصدى وعلاج اى نوع من الانواع بنفس الكفاءه وبنفس القوه .2- ان يحنوى على مدرات للبول والتى تقوم بطرد السموم من الجسم بعد معادلتها وتحويلها الى مواد غير سامه .3- ان يحوى على منشطات الكبد لمعالجه اثار السموم الفطريه على الكبد من دهون وتضخمات واعاده عمل الكبد مره اخرى
10:57 PM
اقرأ المزيد
مرسلة بواسطة في 10:57 PM 0 التعليقات

برنامج ممتاز للتقليل من خسائر مزارع الدواجن عند الإصابات الفيروسية

برنامج ممتاز لتقليل الخسائر وتحسين الاحوال فى المشاكل الموجوده فى مزارع الدواجن الان والى هى مناعه صفر فى الطيور + اصابات فيروسيه كوكتيل مع جامبرو مع اى بى مع نيوكاسل مع انفلونزا اتش 9 والبرنامج الهدف منه التقليل من ضراوه الفيروس فى المكان عن طريق التطهير بالرش رفع المناعه بشكل مكثف وكبير وتقليل الاجهاد الدوائى او الفيروسى على الكليتين والبرنامج كالتالى :
1- رش فيركون اس 10 جم لكل لتر ماء فى هواء العنبر ويفضل المطهر ده لشغله الممتاز على اغلب الفيروسات وده يكون الصبح

2- رش منتوفين او اى ادويه مشابهه بعد حلها فى ماء دافىء فى هواء العنبر مساء م لها من تاثير جيد فى ازابه المخاط وتوسيع الصدر وتحسين اى مشكله تنفسيه.

3- خليط من روافع المناعه فيتامين سى 100% نصف جرام او جرام مع فيتامين ه مع سيلينيوم عالى التركيز نصف سم لكل لتر ويفضل المستورد منه مع ليفاميزول 10 % 100 سم او 100 جم لكل طن لحم مع ثوم بودره نصف جرام لكل لتر وده طبعا كله بيتحط مع بعضه دون اى تعارض .

4- غسل كلوى وافضل المستحضرات المحتويه على نسبه كبيره من الاعشاب زى الحلفا بار والداندليون لتاثيرها كغسيل ومنشط للجهاز البولى وموسع للحالبين

5- استخدام المضادات الحيويه يكون محدود وللضروره لان استخدام الادويه بشكل مكثف يزود العب على الطكليه ويزيد الضرر والاجهاد على الطيور

6- ممنوع الحقن تماما وممنوع تحصين اى حاجه لان دى هاتكون القشه الى هاتقسم ظهر البعير والعنبر يودع نافق وامراض لا تشفى
10:49 PM
اقرأ المزيد
مرسلة بواسطة في 10:49 PM 0 التعليقات

كيفيه اخذ عينه وزن واهميتها فى دجاج التسمين


من المهم جدا جدا ان اكون عارف ايه هى الاوزان الى المفروض تكون فيها الفراخ اخر كل اسبوع وانى اخد عينه وزن من خلالها اقدر احكم على نجاح الاسبوع وان الفراخ كده ماشيه فى المعدل المضبوط بتاعها .
 بالنسبه ليوم الاستقبال وهو اليوم الى بتيجى فيه الكتاكيت المزرعه المفروض انى اخد عينه وزن ازاى انى اجيب سقايه واحط فيها عدد معين واحسب وزنهم وبعدين اقسم الوزن الكلى على العدد علشان اقدر اعرف متوسط الوزن الى هو المثالى بتاعه انه يكون 50 جرام لكن ده طبعا صعب نلاقيه فى الفيلد بس المفروض ان الوزن يكون اكتر من 40 جرام لانه اقل من كده يبقى الكتكوت مش حلو ومش هاقدر احصل على الى انا عاوزه منه خلال الدوره يعنى ما استلمش اصلا القطيع ده لو الاوزان بالشكل ده وانا هاحكى علىموقف حصل معايه شخصيا
 فى احداالمرات كان فى قطيع قلت اخد عينه وزن للاطمئنان كنت باوزن كل 10 كتاكيت مع بعض الاقى الميزان بالضبط 500 جم يعنى الكتكوت 50 جم اقول ايه الحلاوه دى مره واتنين وتلاته بس الكتكوت نفسه من شكله الخارجى عمره ما يدى الوزن ده واكتشفت الخديعه ان جواه كيس المح بسم الله ما شاء الله كبير زى الطماطمايه كده وده الى كان متقلهم وهى ده كانت الخدعه بالصدفه اكتشفتها الخلاصه يعنى ان وزن الكتكوت المفروض انه يكون فوق الاربعين جرام عند الاستلام ولما اعرف انه بيزيد كل يوم فى الاسبوع الاول 15 جرام يبقى النمفروض لو وزنه 50 جرام وده صعب يبقى اخر الاسبوع الاول يكون وزنه 140 جرام .
 الاسبوع التانى على اخره المفروض انه يكون جاب 400 جرام
الاسبوع التالت 750 جرام
 الاسبوع الرابع 1100 جرام
 الاسبوع الخامس 1700 جرام
 طيب ازاى اخد عينه وزن المفروض فى قاعده عامه
 انى اخد عينه الوزن فى الصباح الباكر ويفضل على صيام وانه يكون من نفس المكان وادها فى نفس الوقت وده بعمل تحجيزه على الفراخ بشكل عشوائى واوزنهم واقسم على عددهم علشان اعرف المتوسط .

 يعنى الفراخ لو ماشيه كويس الاسبوع الاول والتانى وجايبه الاوزان المفروضه يبقىالدوره انشاء الله تكتمل علىده ما دام ما فيش اى امراض توثر على الاوزان والقطيع تحت اشراف بيطرى جيد
10:47 PM
اقرأ المزيد
مرسلة بواسطة في 10:47 PM 0 التعليقات

نظم التغذية فى دجاج التسمين

فى الفتره الاولى من عمر الكتاكيت يكون معدل استهلاك العلف قليل اذا ما قورن بنهايه الدوره وفى نفس الوقت الفتره دى حرجه جدا لان معدل التحويل الغذائى عالى جدا تصل الى 1 : 1 يعنى الكتكوت بياكل 1 كجم علف بيحول 1 كجم لحم وبالتالى بنهتم قوى بالكتاكيت فى الفتره دى ولازم نقدملهم علف عالى القيمه بالنسبه لنسبه البروتين فيه والى بنسميه علف بادى .
لكن فى العمر الكبير نجد ان معدلات التحويل الغذائى بتقل والى ممكن تصل الى ان الفرخ بياكل 2 كجم علف علشان يدى 1 كجم لحم علشان كده بنحتاج نديله اكل كتير نسبه الطاقه فيه عاليه يعنى نسبه الذره وقليل فى البروتين يعنى فول الصويا وبنسميه علف ناهى علشان نقدر نوفر فى تكاليف التغذيه فى الفتره دى .
علشان كده ممكن نقسم عليقه التسمين الى 3 انواع بادى ونامى وناهى
البادى : باكل بيها الفراخ لحد سن 3 اسابيع وتقريبا بتتحسب 1.25 كجم علف للفرخ يعنى لو عندى عنبر 4000 طائر يحتاجو 5000 كجم عليقه يعنى 5 طن والنوع ده بيكون عالى فى نسبه البروتين ( فول الصويا ) وطبعا بيكون غالى عن اى نوع تانى من االعليقه سواء كانت نامى او ناهى .

النامى : بناكل بيها الفترة الوسطى من العمر الى ممكن تكون اسبوع ودى بتكون متوسطه فى نسبه البروتين وسعرها متوسط وبنحسبها 1.25 كجم للفرخ يعنى لو عنبر 4000 طائر يحتاجو 5 طن .

الناهى : بناكل منه الفتره الاخيره من العمر ودى بتكون نسبه البروتين فيها منخفضه اذا ما قورنت بالانواع السابق ذكرها وميزيتها انها بتكون قليله فى سعرها فى الفتره الى الفرخ بياكل فيها كميه كبيره من العلف وبالتالى بنوفر فى تكلفه الدوره فى العلف الفرخ بياكل 1 كجم علف يعنى 4000 طائر يحتاجو 4 طن علف .

نظم التغذيه من المفترض ان الدورة بتاخد تقريبا 35 يوم يعنى 5 اسابيع بناكل اول 3 اسابيع علف بادى والاسبوع الرابع علف نامى والاسبوع الخامس ناهى .
حاليا فى بعض المزارع بتاكل اول 3 اسابيع بادى والاسبوعين التاليين علف ناهى وفكرتهم فى ده ان كبر حجم العلف الناهى وجعله فى صوره حبيبات بيود من استهلاك الفراخ من العلف نظريه برده ؟؟؟؟

طيب ايه هو الاختلاف فى الانواع التلاته من العلف :
1- السعر يعنى البادى اغلى من النامى والنامى اغلى من الناهى .
2- نسبه الطاقه يعنى الذره والبروتين يعنى الصويا البادى اكبرهم فى البروتين والناهى اقلهم .
3- حجم حبايه العلف بيختلف يعنى ممكن يكون ناعم فى البدايه ثم خشن درجه ثم خشن اكتر لان الفرخ كلما كبر احتاج الى علف ذو حبيبات كبيره لان ده بيزيد من استهلاك العلف .

هناك العديد من الشركات التى تقوم بتصنيع العلف الجاهز ومن اشهرها:
علف شركه عبد السلام حجازى
علف القاهره
علف النور والبركه
علف الخمس نجوم علف الدقهليه للدواجن العنانى
على فكره اغلب المزارع دلوقت بتتجه الى العلف المحبب جاهز التصنيع لانه اوفر وبيكون معدلات استهلاكه من قبل الفراخ عاليه ومعدلات تحويله عاليه وبالتلى بيجيب اوزان كويسه وده ما يمنعش ان فى بعض المزارع بتصنع العلف فى مدشات ولكن ده قل كتير فى التسمين لكن ممكن نلاقيه بشكل واضح فى البياض والامهات .

طبعا نظام التغذية فى التسمين نظام مفتوح يعنى العل فقدام الفراخ على طول طول اليوم .
10:45 PM
اقرأ المزيد
مرسلة بواسطة في 10:45 PM 0 التعليقات

البرنامج الدوائى وبرنامج التحصينات لبدارى التسمين

الادويه :
اليوم الاول من استقبال الكتاكيت يتم وضع ماء + سكر 10 % + املاح معدنيه ويتم تاخير العلف لمده 6 ساعات من وصول الكتاكيت أو 12 ساعه من خروجهم من المعمل لاتاحه الفرصه لامتصاص كيس المح لمنع اى اصابات بكتيريه به.

فتره التحضين :
وتكون من 3 الى 5 أيام متتاليه ويتم وضع مضاد حيوى شامل معوى وتنفسى وفعال ضد المايكوبلازما لمده 12 ساعه
وفيتامينات لمده 12 ساعه بالتبادل .
المضادات الحيويه المستخدمه :
انروفلوكساسين + كولستين
تايلوزين + كولستين
فلومكوين + تايلوزين
اريثرومايسين + كولستين
دوكسى + كولستين

الفيتامينات مثل اد3ه او ب+ك+كولين يفضل الفيتامينات التى تحتوى على احماض امينيه وفيتامين ب لان معامل التحويل الغذائى للكتاكيت فى الفتره الاولى عاليه والتى تكون باعطاء 1 كجم لحم لكل 1 كجم علف والتى تقل مع طول الدوره فيفضل الضغط على الكتاكيت فى هذه الفتره للحصول على اعلى معدلات الوزن والاستفاده من هذه الفتره الحساسه.
ملاحظه هامه جدا ممنوع منعا باتا استخدام فيتامين ب المركب او العسل الاسود او الخميره فى ماء الشرب بالنسبه لدجاج التسمين بعد التحضين وذلك لانه قد يودى الى نشاط الكوكسيديا فيما بعد .

الفتره التاليه من التحضين اليوم 5 و 6 ممكن وضع فيتامينات واملاح معدنيه للتنشيط .
اليوم السابع معاد اول تحصينه هتشنر فى ماء الشرب للوقايه من مرض النيوكاسل .
الاسبوع التانى :
اضافه مضاد سموم ومنشط كبد ومن الممكن ظهور الكلوسترديا فى هذه الفتره فيتم التعامل معها .

تحصينه جامبرو فى عمر 14 يوم .
بعض المزارع يقوموا باضافه جرعه وقائيه للكوكسيديا 12 ساعه وجرعه وقائيه للكلوسترديا 12 ساعه لمده 3 ايام متتاليه ومنهم من يقوم بتنزيل اول جرعه للكوكسيديا بعد تحصين الاسوتا بالتبادل مع المضاد الحيوى .
يفضل ان تكون الجرعه الاولى للكوكسيديا من الادويه التى تحتوى على سلفا وامبروليوم وفيتامين ك مثل النيوكوكس انتاج شركه ابو النجا 1 جم لكل لتر او يوسى كوكس انتاج شركه امون 1جم لكل 3 لتر وان تكون الجرعه الاخرى للكوكسيديا تولترازوريل فى ماء الشرب لحمايه القطيع من المرض فى هذا العمر الحرج فاذا تم تنزيل اول جرعه 18 و 19 و 20 من العمر تكرر على عمر 27 و 28 و 29 وبالتوالى مع طول الدوره .
الاسبوع التالت :
برامج وقائيه للكوكسيديا ويتم وضع مضاد حيوى للمايكوبلازما والاى كولى بعد تحصين الاسوتا مثل التايلوزين والكولستين او الانرو والكولستين او السيبرو والكولستين او الدوكسى والكولستين 12 ساعه متتاليه لمده 3 ايام .

الاسبوع الرابع :
يتم تنزيل جرعه للمايكوبلازما فى اوخر الاسبوع الرابع 27 و 28 و 29 لانها تنشط فى هذا الوقت وقد يكون معاد جرعه الكوكسيديا الوقائيه .

الاسبوع الخامس : يتم تنزيل جرعه للبرد فى ماء الشرب مع جرعه للكلوسترديا لانها تنشط فى الاعمار الكبيره وهناك من المزارع من يقوم بحقن حقنه للبرد باستخدام الاستربتومايسين والجنتاميسين واللينكومايسين والسيفوتاكس للوقايه من البرد فى مثل هذا العمر الحرج وايضا كمنشط للنمو وزياده معدلات الاوزان لان هناك من المضادت الحيويه مثل الينكومايسين ما يوثر على النمو كمنشط ويزيد الوزن .

قبل البياعه بيوم او يومين يفضل رفع اى مضادات حيويه ومن المستحسن اضافه اى غسيل كلوى لازاله اثار الادويه التى تم استخدامها طوال الدوره.

برنامج وقائى للسموم الفطريه مع منشط للكلى والكبد مره كل اسبوع من الدوره .

بالنسبه لتحصينات مياه الشرب :
قبل يوم التحصين يتم رفع اى مضادات حيويه من ماء الشرب لمده 24 ساعه ويفضل وضع رافع للمناعه 12 ساعه الاولى قبل يوم التحصين بيوم.
يوم التحصين نفسه يتم وضع مياه بيضاء بدون اى ادويه .
تانى يوم التحصين يتم وضع اى رافع للمناعه 12 ساعه مثل الليفاميزول او فيتامين ه+سيلينيوم

برنامج التحصينات الفيروسيه :
عمر يوم قد يكون معاد تحصين ib رش على الكتاكيت فى الاقفاص قبل نزولها لعنبر وذلك فى المناطق الموبوئه فقط والتى يظهر فيها المرض لان تحصينه كافى بدخول الفيروس داخل المزرعه .

تحصين هتشنر فى ماء الشرب فى اليوم السابع.
قد يكون معاد تحصين النيوكاسل الميت حقن فى اليوم العاشر وذلك للمزارع التى تعانى من المرض ومنتشر بها .
تحصين الانفلونزا 9 الى 12 يوم فى المتوسط اليوم العاشر وهناك تحصين من انتاج الشركه الدوليه يحتوى على الاانفلونزا والنيوكاسل الميت معا فى حقنه واحده .
تحصين الجامبرو عتره شديده مره واحده مثل IBD فى اليوم 14 او 15 .
تحصين لاسوتا 18 او 19 يوم من العمر ويتم تكرار تحصين النيوكاسل كل 10 مع طول الدوره ويفضل ان يكون الكولون هو المستخدم فى ما بعد تحصينه الاسوتا لتفادى رد الفعل التنفسى العنيف للدجاج
تحصين كولون 79 او كولون 30 فى اليوم 30 او 31 من العمر وهناك من يقوم بالتحصين 28 او 29 من العمر .
فى حاله استخدام تحصين النيوكاسل الميت فى اليوم العاشر يتم الاكتفاء بتحصينه اللسوتا فى اليوم 18 من العمر لان بعد ذلك يقوم التحصين الميت بحمايه القطيع بشكل جيد حتى نهايه الدوره .
10:43 PM
اقرأ المزيد
مرسلة بواسطة في 10:43 PM 2 التعليقات

تحصينات وادويه الارانب


يعتبرمشروع تربيه الارانب من المشاريع الناجحه والتى لاقت العديد من الاهتمام من المربيين واصحاب المشاريع الصغيره فى الفتره الاخيره لما لها من مزايا عديده ومكاسب سريعه وثابته تختلف عن غيرها من مشاريع التريبه الاخرى مثل تربيه الدواجن بثبات اسعار بيع لحم الارانب وايضا ثبات فى اسعار العلف.

 ولكن ما نشاهده من خلال الاحتكاك بالمربيين هو ان مشاكل الارانب المرضيه كثيره ومتنوعه وسوف نقوم بتقديم العون ان شاء الله لكل مهتم بتربيه الارانب عن طريق كتابه برنامج وقائى من الادويه والتحصينات وعن تجربه تطبيق هذا البرنامج ادى الى نتائج مبهره وقلل من المشاكل المرضيه التى تحدث للارانب فى المزارع فنبدا بسم الله .......

 - برنامج التحصينات :
 تحصين التسمم الدموى البكتيرى :
 ويتم التحصين ابتداء من عمر شهرين بالتحصين الفورمالينى ( شركه العباسيه ) بجرعه 1سم تحت الجلد وايضا ممكن تحصين الارانب الكبيره 2 سم تحت الجلد ويتم تكرار التحصين كل 3 شهور وبصفه مستمره خلال السنه ويفضل ان يتم فى شهر 3 و 6 و 9 و 12 .

 تحصين التسمم الدموى الفيروسى :
 ويتم تحصينه ابتداء من عمر 2 الى 3 شهور بواقع 0.5 سم تحت الجلد للارانب الصغيره او الكبيرهويتم تكرار التحصين بصوره دوريه خلال السنه وبانتظام.
 فى مصر هناك نوعان من تحصين التسمم الدموى الفيروسى :
 التحصين المصرى انتاج شركه العباسيه ويتم تكراره كل 6 شهور ويفضل التحصين فى شهر 6 وشهر 12 .
 التحصين المستورد ( الاسبانى ) شركه الغنام ويتم تكراره كل سنه .

 تحصين الكلوسترديا ( النفاخ ) :
 يتم تحصينها عند الفطام 1 سم تحت الجلد ويتم ذلك مره واحده فى العمر .
 عند تحصين الارانب الكبيره او فى سن غير سن الفطام يتم اعطاء 2 سم تحت الجلد ويكرر كل 6 شهور من السنه .
 ملاحظه هامه جدا :
 فى حاله الاصابه بالمرض يتم التحصين كعلاج لانه يودى الى تقليل النافق بالاضافه الى استخدام المضادات الحيويه ومضادات السموم فى ماء الشرب .

 2- البرنامج الخاص بالامهات العشار وبعد الولادة :
 يتم حقن كل ام 3 سم كالسيوم مثل كال بروماج تحت الجلد وذلك لتلافى الكساح الذى يحدث عند او بعد الولاده نتيجه نقص الكالسيوم فى الارانب .

 يتم حقن الام 1 سم اوكسى تتراسيكلين طويل المفعول تحت الجلد للوقايه من اصابات الرحم وايضا لمنع حدوث ى امراض للامهات قد تحدث نتيجه قله المناعه والضغط الواقع نتيجه الولادة

 يتم حقن كل ام 1 سم كافوزال يوم الولاده او بعد الولاده بيوم كمقوى عام ومنشط .

 3- البرنامج الخاص بالارانب عند الفطام ::
 عند الفطام يتم تصويم الارانب لمده 24 ساعه لتلافى حدوث ما يطلق عليه صدمه الفطام والتى تسبب انتفاخات واسهالات ونافق عالى فى الارانب المفطومه .
 اعطاء تحصين الكلوسترديا.
 تنزيل اى مضاد حيوى معوى فى ماء الشرب ولمده 3 ايام متتاليه للوقايه من الاسهالات التى تحدث فى هذه الفترة من العمر
 سلفا + نييومايسين اجم لكل لتر ماء شرب.
 كولى تريم اسم لكل لتر ماء شرب .
 فلومكوين + كولستين اجم لكل لتر ماء شرب .

 4- البرنامج الخاص بالذكور ::
 يتم حقن كل ارنب 0.5 سم فيتاسلين تحت الجلد مره كل شهر لزياده معدلات الخصوبه والقوه الجنسيه للذكور .

 5- البرنامج الدوائى للوقايه من الامراض المعويه والتنفسيه والكوكسيديا ::
 ويتم تنزيله مره اول 3 ايام من كل شهر
 نيومايسين مع سلفا كيور جرام من كل نوع لكل لتر ماء شرب 12 ساعه فى اليوم للوقايه من المشاكل المعويه والكوكسيديا .
 انروفلوكساسين 10 % شرب بمعدل 1 الى 2 سم لكل لتر ماء شرب 12 ساعه فى اليوم او اوكسى تتراسيكلين 1 جم لكل لتر ماء شرب للوقايه من المشاكل التنفسية .
 ملحوظه هامه جدا :
 يتم تغيير نوع المضادات الحيويه كل شهر لتفادى حدوث مناعات ومقاومه من البكتيريا لهذه المضادات الحيويه .

 6- البرنامج الخاص للوقايه من الجرب والبكتيريا والفيروسات والفطريات :
 كل شهر يتم تطهير وغسل البطاريات بأى مبيد حشرى مثل الديازينون 1 سم لكل لتر او البيوتوكس 1سم كل 2 لتر فى حاله عدم وجود الارانب وذلك للوقايه من الجرب والاصابه بالطفيليات الخارجيه مثل الفاش والقمل وغيرها .
 كل شهر يتم تطهير البطاريات ب الاتى :
 Th4 بمعدل 5 الى 10 سم لكل لتر كمطهر ضد البكتيريا والفيروسات والفطريات .
 اليود بمعدل من 5 الى 10 سم لكل لتر .
 رش اى مطهر مثل اليود بمعدل 0.5 سم لكل لتر على هواء العنبر لتقليل نسبه الاصابه بالامرض ومن الممكن ان يتم ذلك مره كل اسبوع الى 10 ايام.
 ايضا يتم حقن الارانب بالايفوماك مره كل 45 الى 60 يوم للوقايه من الجرب والاصابه بالطفيليات الداخليه مثل الديدان.

 7- البرنامج الخاص لتفادى مشاكل نقص الفيتامينات والاملاح المعدنيه : :
 ويتم وضعه مره كل شهر 3 ايام متتاليه
 فيتامين ه + سيلينيوم بمعدل 1 سم لكل لتر او حسب التركيز ويفضل ان يكون تركيزه عالى من 10 الى 20 %
 فيتامين اد3ه بمعدل 1سم لكل لتر او حسب تركيزه ونوعه.
 املاح معدنيه سايله بمعدل 1 الى 5 سم لكل لتر حيب نوعها وتركيزاتها.
 وتفيد فى منع الاصابه بامراض نقص الفيتامينات والاملاح زياده معدلات الخصوبه فى الامهات والذكور وايضا كفاتح للشهيه وزياده معدلات استهلاك العلف وكمنشط للنمو .

 8- برنامج للوقايه من الكلوسترديا:"
 يتم تنزيل مضاد للكلوسترديا مره كل شهر 24 ساعه متواصله فى ماء الشرب مثل
 دينوكس 2 سم لكل لتر
 سال كول 1 سم لكل لتر
 خل بيتى 5 % 20 سم لكل لتر + تلت جرام كبريتات نحاس.

 9- برنامج للوقايه من السموم الفطريه :
 يتم تنزيل جرعه من مضادات السموم مره كل اسبوع الى 10 ايام للوقايه من السموم الفطريه.

 المعادله النموذجيه لتربيه الارانب

علف نظيف ومتوازن + نظافه مستمره للبطاريات والعنبر + متابعه مستمره للارانب يوميا + تطبيق هذا البرنامج الوقائى = مشروع تربيه ناجح
10:41 PM
اقرأ المزيد
مرسلة بواسطة في 10:41 PM 0 التعليقات

الكلوسترديا في الدواجن






هذا المرض الذى لفت نظرى كثيرا وحاز على العديد والعديد من اهتماماتى خصوصا عندما شاهده كثيرا بصوره المختلفه واستطيع ان اجزم انه من الامراض المزمنه التى تتواجد فى قطعان التسمين ومن الصعب السيطره عليها او التخلص منها بصوره جذريه لاسباب كثيره سوف نتكلم عنها لاحقا ان شاء الله .

 بعض النقاط الهامه المتعلقه بالميكروب والمرض :

  اذا حدثت الاصابه فى اى دوره من الدورات فاحتمال ظهور الاصابه فى الدوره التاليه هو حتمى واكيد وخصوصا اذا لم يتم التطهير الجيد للعنبر لان الميكروب يقوم بتكوين حويصلات فى الفرشه لها القدره عى مقاومه العديد من المطهرات التى تستخدم فى تطهير العنبر .
  هذا الميكروب موجود بصوره طبيعيه داخل امعاء الطائر ولكن بصوره بسيطه وغير ممرضه ولكن عندما يتعرض الطائر لاى ضغط يتم التحول الى الصوره المرضيه وتظهر اعراض الاصابه بالمرض وللتاكيد على ان هذا الميكروب انتهازى ويستغل اى ظروف غير ملائمه فى حياه الطائر ليتحول الى الصوره الممرضه ومن خلال ما شاهده باعينى فى الحقل مايلى للتاكيد على انتهازيه هذا الميكروب :


 نجد انه فى حاله موجات الحر الشديده فى الطيور سواء كانت تسمين او بياض او امهات ظهور اسهالات صفراء اللون مرغيه وهو لون الاسهال المميز لمرض الكلوسترديا وتظهر بشكل مفاجىء وبصوره كبيره حيث نشاهدها فى انحاء العنبر المختلفه ولكن فى المساء يختفى الاسهال وترجع الى صوره الطبيعيه وتفسير ذلك ان الميكروب موجود فعلا بالجسم والحر وهو احد التغيرات التى تسبب ضغط للطائر ظهر الميكروب وتحول الى الصوره الممرضه وعند زوال السبب رجعت الامور الى سائر عهدها .
  عند تحصين بعض التحصينات فى ماء الشرب مثل الاسوتا نجد ظهور اسهالات غريبه اللون وبصوره مفاجئه حمراء او مثل المياه او مجيره فى فرشه العنبر والتى تظهر ايضا دون سابق انذار ولكن بعد التحصين نشاهده وبعد ذلك وفى نهايه اليوم او فى اليوم التالى لا نشاهدها وتفسير ذلك هو ان التحصين بحد ذاته هو اجهاد على الطائر حيث يكون الجهاز المناعى للطائر مشغولا فيما يتعلق بالتحصين فيقوم الميكروب بنتهاز الفرصه والتحول الى الصوره الممرضه وعند زوال السبب يرجع الحاله الى الوضع الاصلى .
  يقولون ان المرض ياتى فى الاعمار الكبيره اى بعد نهايه الاسبوع التالت ويستمر فرصه الاصابه بيه حتى عمر التسويق ولكنى شاهدته بام عينى وذلك فى اليوم العاشر من العمر وقد كان هناك خلاف بينى وبين احد اطباء المعامل فى تلك النقطه حيث قمت بتشخيصها بلكلوسترديا ولكنه اخبرنى انها لا تاتى فى هذا العمر وعندما راجعت نففسى وما شاهدته وسوف اذكره لكم لتكونوا معى وليخبرنى كل منك بوجهه نظره هى صوره من لمرض وعند فتح الطائر وجدت الاعورين منفوخين بالهواء مع وجود مشاكل فى الكلى والكبد وهذه احد الصور للمرض وتختلف عن الصوره التى تكلم عنها الزميل العزيز وهى necrotic enteritis وهى بالفعل لاتاتى الا فى العمر الكبير وعندما تم وضع الريفاميسين وهو مضاد حيوى قوى لعلاج الكلوسترديا تم تضبيط النافق ورجوعه الى المعدل الطبيعى مما اكد وجهه نظرى .
  هذا الميكروب هو ميكروب لاهوائى وهو gram + اى ان ليس كل المضادات الحيويه لها نفس القدره على التصدى لهذا الميكروب ومن امثله المضادات الحيويه التى اثبتت نتائج جيده لعلاج هذا الميكروب :
Ampiclline or Amoxycline + colistin
rifamycine + colistin
 ايض الخل المركز بمعدل 1 سم لكل 3 لتر ماء شرب مع كبريتات النحاس بمعدل 0.25 جم لكل لتر ماء شرب من الاشياء التى تاتى بنتائج ممتازه فى علاج الكلوسترديا واذا كان لاى منكم اى اعتراض على استخدام كبريتات النحاس فى الدواجن لسميتها او ما شابه ذلك من الممكن استخدام اى مستحضرات بيطريه تحتوى على كبريتات النحاس للبعد عن استخدامه فى الصوره الخام ولكن اريد ان اخبركم باهميه هذه المستحضرات التى تحتوى على كبريتات النحاس وانها فى بعض الاحيان قد تكون اهم من المضاد الحيوى نفسه ولها مميزات لا توجد فيه :
  انها رخيصه الثمن اذا ما قورنت بالمضادات الحيويه والتى قد تكون مكلفه خصوصا فى حاله استخدامها فى الاعمار الكبيره التى تستهلك كميات كبيره من ماء الشرب .
  لم يثبت حدوث اى مقاومه للبكتيريا لها وبالتالى تكون فعاله جدا فى حاله استخدام العديد والعديد من المضادات الحيويه مع عوده ظهور المرض.
  من المعروف ان الكلوسترديا وخصوصا الصوره المعويه necrotic enteritis تودى الى حدوث طبقه من القطيفه من الاتهابات داخل الامعاء ( تركيش تول ) وبما ان لكبريتات لها تاثير كاوى وياكل فيقوم بعلاج الميكروب وايضا التخلص من اى اثار من التهابات قد تحدث يعنى بيعالج وينضف فى نفس الوقت .
 امثله على مستحضرات تحتوى على الجنزاره ( كبريتات النحاس ) والتى تاتى بنتائج جيده فى علاج الكلوسترديا
Nano-tox
De-tox
introcare 


4- فى حاله الاصابه بالمرض نشاهد مشاكل كلويه ومشاكل كبديه والسبب فى ذلك ان هذا الميكروب له القدره على افراز السموم endotoxins والتى تسبب مشاكل فى الكبد والكلى تتشابه مع تاثير السموم الفطريه على الكبد والكلى ولذلك يفضل اضافه مضادات السموم او اى منشط للكبد والكلى مع علاج الكلوسترديا لعلاج تاثير السموم البكتيريه على اكبد والكلى .

 اعراض الاصابه بالمرض :
 اسهالات فى القطيع والتى تكون صفراء مرغيه او داكنه او مختلفه الالوان .والتى قد تتشابه مع اسهالات الكوكسيديا ولكن من خلال الحقل والخبره يتم التفرقه فيما بينهم .

 التهاب الامعاء يودى الى زياده استهلاك الطيور لماء الشرب بشكل واضح ويتجمع الماء فى حويصله الطائر وعند امساك الطائر نجد انه بيرجع كميه من المياه من االفم زى ما يكون بيريل .

 الصفه التشريحيه :

  زياده فى سمك جدار الامعاء
  طبقه القطيفه والتى توجد فى حاله necrotic enteritis
  وجود التهابات وتقرحات باللون الاحمر على الجدار الداخلى للامعاء ومن الممكن تميزها عن الكوكسيديا فى انها ذات شكل سداسى منتظم اما الكوكسيديا توجد فى صوره نقط.
 انتفاخات فى شكل هواء فى الامعاء وخصوصا فى الاعورين مع وجود سائل اصفر كريه الرائحه فى الاعورين .

 العلاج والوقايه :
  استخدام بعض الادويه فى العلف كمضاد للكلوسترديا مثل اللينكوميسين والزنك باسيتراسين والانراميسن والفيرجينياميسين على الرغم من وجود حظر على استخدام هذه المستحضرات فى العلف كمنشطات للنمو.
  الاهتمام بمرض الكوكسيديا والتغلب عليه لانه دائما ما يكون الاصابه بالكلوسترديا تاتى بعض الاصابه بالكوكسيديا.
  لهف الطائر على الماء يجعل من ادويه ماء الشرب وسيله ممتازه لعلاج المرض واهما الاموكساسلين والامبسلين والريفاميسين مع استخدام الكولستين مع اى منهم .
  الاهتمام بتطهير العنبر جيدا قبل وصول الكتاكيت خصوصا لو ان هناك اى اصابه بالمرض فى الدورات السابقه.
  فى حاله الاصابه يتم اعطاء جرعه علاجيه للكوكسيدا كوقايه والعكس صحيح.
  اضافه مضادات السموم التىتعالج تاثير السموم البكتيريه للكلوسترديا على الكبد والكلى.
  فى حاه زياده فرصه الاصابه خلال الدوره يتم تنزيل جرعه من الديتوكس كل 10 ايام او اسبوع للعمل كمضاد سموم وايضا كوقايه وتقليل الاصابه بالكلوسترديا لما يحتويه من كبريتات نحاس .
 د.مصطفى فى انتظار تعليقاتكم وا حد عنده اى معلومات بخصوص المرض يا ريت ما يبخلش علينا بيه.

10:16 PM
اقرأ المزيد
مرسلة بواسطة في 10:16 PM 0 التعليقات

RINGWORM in cattle

RINGWORM
Ringworm is a transmissible infectious skin disease caused most often by Trichophyton verrucosum, a spore forming fungi.  The spores can remain alive for years in a dry environment.  It occurs in all species of mammals including cattle and man.  Although unsightly, fungal infections cause little permanent damage or economic loss.  Direct contact with infected animals is the most common method of spreading the infection. 
Spores germinate and attack the shafts of the hair and the surface layers of the skin. Exudates ooze from the damaged skin and mix with debris from skin and hair forming a crusty scab. The grayish-white scab is noticeably higher than the surrounding skin.  Ringworm is most frequent on the head and neck, but it may be found over the entire body in severe cases.  Infection spreads from the center outwards and resulting in a  circular lesion.  Scabs fall from older lesions leaving a ring with a hairless area in the center.  Hence, the name ringworm.
Ringworm will usually cure itself without treatment.  Common treatments include topical application of a 2% solution of iodine,  thiabendazole paste or any fungicide used to treat athlete's foot in man
9:48 PM
اقرأ المزيد
مرسلة بواسطة في 9:48 PM 0 التعليقات
Sunday, April 13, 2014

فيديوهات الجراحة للدكتور محمد عبدالفتاح والدكتور أيمن صديق (أعلى جودة )

9:43 PM
اقرأ المزيد
مرسلة بواسطة في 9:43 PM 1 التعليقات

المساقى والمعالف فى عنابر الدجاج


المساقى والمعالف فى عنابر الدجاج:

بالنسبه لنظام مياه الشرب فى العنابر هناك نوعان استخدام السقايات البلاستيكيه اليدويه ودى فى منها احجام مختلفه مثلا فى السقايه الى 2 لتر وفى 4 لتر وفى 8 لتر وطبعا احنا بنستخدم السقايات الصفيره للاعمار الصغيره علشان الكتاكيت ما تغرقش فيها وفى نفس الوقت كميه المياه المستهلكه فى العمر الصغير بتكون مش كبيره وبالتالى بيكون الموضوع سهل وبسيط اما السقايات الكبيره فبتستخدم فى العمر الكبير علشان الفراخ ما تقدرش توقعها وفى نفس الوقت بيكون استهلاك المياه بدء يكبر وبالتالىتكون مناسبه من الناحيه العمليه .

 ملاحظه هامه : السقايات الصغيره بببتستخدم من اول يوم لحد اسبوع الى 10 ايام بعد كده بنزل السقايات الكبيره
مهم جدا الحذر عند استخدام السقايات اليدويه لعدم سقوط المياه على الفرشه اثناء عمليه السقايه لتجنب الرطوبه الزائده وبالتالى الاصابه بالكوكسيديا وايضا يتم رفع السقايات من على الارضيه باستخدام بلاط او ايشانى او طوب او باستخدام الحوامل الحديديه للسقايات ولازم تكون فى مستوى مناسب حتى تستطيع الطيور الشرب .

 ازاى احسب عدد السقايات للعنبر الواحد .

 والله انا شوفت اراء مختلفه ناس بتقول سقابه لكل 30 الى 35 طائر وناس بتقول سقايه لكل 50 طائر وفى بعض العنابر تلاقيه عامل سقايه لكل 100 طائر ولو بصينا للعدد 30 هلاقى كده عدد السقايات كبير جدا فى العنبر مع ان ده الصح علشان ندى فرصه لكل الطير تشرب ولان برده سقايه لكل 100 يعتبر شويه فانا مع استخدام سقايه لكل 50 طائر يعنى الالف يحتاجوا 20 سقايه واهم من ده كله نه يتم توزيع السقايات فى العنبر بشكل منتظم ومتساوى وممكن ده اعمله من خلال عدد الباكيات ويكون فى كل باكيه عدد متساوى ويكون بين كل نقطتين علف نقطه مياه .
 فى حاله التحصين فى مياه الشرب لابد ان يكون عدد السقايات المستخدمه كافى لضمان ان كل الطيور بتشرب من التحصين وفى نفس الوقت يعنى مثلا بتتحسب كده :
 15 سقايه لكل 1000 طائر فى الاسبوع الاول
20سقايه لكل 1000 طائر فى الاسبوع التانى بعد كده وحتى نهايه الدوره
25 سقايه لكل 1000طائر.

 بالنسبه للسقايات اليدويه يفضل اللف عليها باستمرار لتفادى انسداد اى منها وممكن يتم غسيلها اسبوعيا باليود فيما عدا اليوم الى قبل التحصين تغسل بمياه فقط بدون اى مطهرات .

 السقايات الاوتوماتيكيه :
 ودى منها نوعين الايطالى وبيسموها السقايات الجامبو ودى اشهرهم واحسنهم وفى سقايات اسمها الاسرائيلى ودى اقل كفائه من السقايات الجامبو لان الغرقات منها كتير على العموم السقايات دى بتكون داخل العنبر وبتكون متصله بانابيب ومواسير متصله بالتانك المياه الى مفترض يدخل مياه للعنبر وبتتعلق داخل العنبر فى شكل صفوف وبيكون صفين بطول العنبر السقايات دى بيكون لها محبس افقى فيها بيزود ويقلل ضغط المياه يعنى بيزود او بيقلل المياه وليها كمان حبل بتتعلق منه بنتحكم فيها انها تطلع فوق او تنزل تحت علشان تكون مضبوطه فى مستوى الطيور علشان تشرب كويس ولازم يتم اللف على السقايات يوميا لتفادى اى تسريب قد يسبب بلل الفرشه وبردهلان الفيران ممكن تاكل الجلد بتاع الخراطيم فلابد صيانتها باستمرار وعلى فكره دى بيتم فكها خالص عند التطهير لغسيلها وتطهيرها مع كل دوره وبتتحسب سقايه لكل 50 طائر .

خط النيبل او الحلمات :

ودى عبار عن خطوط من الحلمات بيتم بيها الشرب وبتكون متصله بمواسير متوصله بتانك المياه وطبعا بتكون فى صوره صفين او اكتر بطول العنبر وبيتم التحكم بيها انها تطل او تنزل حسب العمر وارتفاع الطيور وممكن تنزلها من عمر يوم حتى تتعود عليها الكتاكيت ولكن يفضل الاعتماد عليها بشكل كامل بعد 10 ايام من العمر وتفضل عن نظام السقايات لانها لا تسبب بلل للفرشه ولا غرقات كتير ولكن تسسب زياده فى عفار العنبر الى ممكن يكون احد اسباب انتشار الماريك والهيربس فيرس .

المعالف :

اطباق التحضين :
ودى بيتم وضعها للكتاكيت من عمر يوم حتى 7 الى 10 ايام وبرده بيتم توزيعها بانتظام داخل العنبر وبتحسب عددها طبق تحضين لكل 50 كتكوت بعد كده بتستبدل بالعلافات الصاج او البلاستيك او خطوط العلف سواء كانت اطباق او خط جنزير .
العلافات اليدويه :
ممكن تكون من الصاج او من البلاستيك وبتتحسب واحده لكل 50 طائر وبتتوزع بالتساوى داخل العنبر وبيتم وضع العلف من فوق والعلافات دى برده بتتعلق داخل لعنبر وبيتم التحكم فيها بالصعود او الهبوط حسب ارتفاع الطيور وعمرهم وبيتم هز العلفات بشكل دورى لتنزيل العلف فيها وتشجيع الطيور على الاكل باستمرار.


العلافات الاوتوماتيكيه :
ودى فى منها نوعين الاطباق او خطوط العلف الجنزير وبتكون متوصله بسايلو العلف خارج العنبر او بحله موجوده فى طرقه العنبر بيتم فيها العلف وبتشغيل الخط اوتوماتيكيا بيتم نشر العلف فى ارجاء العنبر وبتاكل منه الطيور وده طبعا احسن من نظام العلافات اليدويه لتقليل الجهد وتوفير العماله وتقليل تهدير العلف .
9:39 PM
اقرأ المزيد
مرسلة بواسطة في 9:39 PM 0 التعليقات
Thursday, April 10, 2014

برامج الاضاءه فى دجاج التسمين

اهميه وضع برنامج للاضاءه والاظلام فى دجاج التسمين :
1- عدد ساعات الاظلام بتساعد الفراخ على تهدئه جهازها العصبى وانها تنام وبالتالى تقليل الافتراس والنقر.
2- زياده معدلات النمو لزياده معدلات الهضم والتحويل الغذائى .
3- هناك بعض المشكلات التى تحدث مثل العرج و الاستسقاء والموت المفاجىء ومشاكل فى الكبد والقلب ووضع الفراخ فى اظلام لساعات معينه طوال الدوره يقلل من الاصابه بهذه الاشياء .

فى الفتره الاولى من العمر لابد ان تكون ساعات الاضاءه كبيره وتصل الى 24 ساعه فى اليوم ولكل مع طول الدوره لازم نعمل ساعات اظلام وبتختلف حسب نوع السلاله وده ممكن نعرفه من الكتالوج بتاع كل سلاله ولكن بصفه عامه وده برنامج بيستخدم فى معظم المزارع الاسبوع الاول 24 ساعه اضاءه وباقى الدوره ساعه اظلام وده مش ثابت وممكن يتغير حسب السلاله المرباه .

يفضل عند اجراء الاظلام اننا نعمله فى فتره دخول المغرب يعنى الانتقال الطبيعى من النور للظلام علشان يتم الانتقال بشكل تدريجى دون حدوث اى ذعر او فزع للفراخ ولابد ان يتم تثبيت ساعات الاظلام حتى نهايه الدوره وده طبعا فى العنابر المفتوحه الى بتعتمد على الاضاءه الطبيعيه لكن بالنسبه للعنابر المغلقه ده مش هايفرق اهم حاجه تثبيت عدد وتوقيت ساعات الاظلام .
10:22 PM
اقرأ المزيد
مرسلة بواسطة في 10:22 PM 0 التعليقات

تقرير مزرعه تسمين دواجن


بسم الله الرحمن الرحيم




مره أخرى نستكمل ما بدأناه سويا فى مجموعه التقاريرالبيطريه... واليوم نستعرض تقرير مبسط عن مزراع الدواجن ..ومن باب العلم بالشئ فإن مزارع الدواجن تنقسم إلى أكثر من نوع
1- مزارع بيض المائده
2- مزارع بيض التفقيس (أمهات )
3- مزارع أنتاج اللحم ( تسمين ) ..وهى ما سنتناوله بالتفصيل فى موضوعنا هذا


من خلال جولاتى فى مزارع الدواجن كان لى هذا التقرير الذى أرجو أنا ينال أعجابكم وأن يضيف إلى معلوماتكم ولو القليل ...

شروط إنشاء المزرعه والتجهيزات اللازمه لأستقبال الكتاكيت

1- المكان
- بعيدا عن الكتله السكانيه (على أن تكون المسافه بين مزرعه وأخرى 500 متر مربع على الأقل)
- قريبا من مصادر المياه والكهرباء والطرق
- مراعاه الأتجاهات الأربعه (أتجاه الرياح )...على أن يكون الأتجاه البحرى عمودى على اتجاه المزرعه




2-


المساحه

- 1متر مربع = 10 فرخات

- 500 متر مربع = 5000 فرخه
- عمليا ..تقل الحسابات إلى حد ما ...500 متر مربع = 4000أو 3750 فرخه

3-


الأرضيه

- فرش الجير المطفى (5 شكاير لكل عنبر )

- ثم فرش بالنشاره
- الغرض من ذلك عزل الرطوبه الأرضيه عن الفراخ

4-


الأدوات

- العلافات

- السقايات
- الساتائر
- الدفايات (أوتوماتيك أو بأستخدام انابيب البوتجاز )
- الترمومترات
- الأضاءه

5-


أختيار السلالات

- أكثر السلالات أنتشارا فى مصر هما نوعين

- CUP ...أفضل فى النمو ..لكنه أغلى فى السعر وأكثر حساسيه للبيئه وبالتالى أقل فى مقاومه الأمراض
- Hybrid ..أقل فى النمو ..ولكنه أرخص فى السعر وأقل حساسيه للبيئه وبالتالى أكثر مقاومه للأمراض





الأجراءات المتخذه فى أستقبال دفعه الكتاكيت

- لابد من أستقبال الكتكوت عمر يوم على
1- محلول سكرى (ماء + سكر ).... لمده من 5-7 ساعات ...لأمداد الكتكوت بالطاقه
2- ثم مضاد حيوى فى الماء.... لمده 72ساعه ....لتامين الكتكوت من الميكوبلازما والألتهابات المعويه

- إذا كان النافق عالى ...يتم تشريح النافق
وغالبا مايكون هناك ألتهاب سرى ...Omphalitis
نتيجه لرتفاع نسبه الرطوبه بماكينات التفريخ
ويتم علاجه باحدى الطرق الآتيه
- Colistin + Tylosin
- Colistin + Tymosin(in case of diarrhea present )
- Lencomycin + Gentamycin ((in case of very acute




برامج التحصين
(للوقايه من الأمراض الفيروسيه)

مبدأيا أهم الأمراض الفيروسيه هى 3

1- ND
2-


IB

3-


Gumboro



عند اليوم 7



- Hitchner ( For Newcastle virus)
- IB (for Infectious Broncitis virus)

عند اليوم 11- 12
- Hitchner
- Gumboro (عتره ضعيفه ) (for Infectious bursal disease)

عند اليوم 19-20
- Lasota ... if no mycoplasma
Or if mycoplasma present ….Colon
Both for NewCastle virus
- Gumboro (عتره متوسطه أو شديده )
الأسم التجارى
Pesinin plus
Persinin 2
Bursa vac

عند اليوم 30
- Lasota or Colon

بعد ذلك حسب العمر التسويقى للفرخه
فإذا كان التسويق عند عمر 30 يوم ..فيكتفى بما سبق ولا يتم التحصين مره أخرى
اما إذ كان التسويق عند عمر 45 فأكثر ..فيتم التحصين مره أخرى عند عمر 38 أو 39 بنفس التحصينات عند عمر 30


العلافات والسقايات


نظام العلافات والسقايات



عند عمر 1 يوم




الأستقبال على اطباق بلاستيك للعلف
وسقايات يدويه بيضاء (سعه 4 لتر ) للماء

عند عمر 5-6 يوم
من الممكن تشغيل خطوط علف آلى ( Feeders )

عند عمر 10 يوم
تشغيل العلافات الساج
والسقايات الأوتوماتيك

ملحوظه هامه بالنسبه للتغذيه
الحركه الكثيره غير مطلوبه ..ويجب تقليلها قدر الأمكان ..لماذاااااااا ؟؟
لأن الحركه تعنى حرق الطاقه ..وحرق الطاقه يعنى فقد الوزززن ..وهى ما يجب تلاشيه
لذا يتم توزيع العلافات والساقيات فى كل مكان بالعنبر حتى لا يحتاج الطائر للحركه بحثا عن الغذاء

مكونات العلف
ذره
صويا
مركزات
أملاح
فيتامينات
عظم
مضادات سموم وكوسيديا
تسمين Premix

نسبه البروتين والطاقه حسب المراحل العمريه المختلفه
مراحل عمر الكتكوت تنقسم إلى 3 مراحل
سوبر (بادئ )...ثم نامى ..ثم ناهى
البروتين فى المراحل الصغيره أعلى مايكون ..ويقل بالتقدم فى العمر ..23%..21%..19%
والعكس منها الطاقه ..أقصى مايكون فى العمر الكبير .. 3600 Kcal



التهويه

برامج التهويه مختلفه على حسب المراحل العمريه المختلفه
تتم عن طريق المراوح والشبابيك بأستخدام عامل اتجاه الرياح وشدتها
ملحوظه هامه ..عامل التهويه والرطوبه ..يعتبر المدخل الرئيسى للعديد من الأمراض التنفسيه


الحراره

للطائر متطلباته من الحراره
تختلف هذه المتطلبات حسب العمر
فى العمر الصغير يحتاج حراره مرتفعه ..تقل تدريجيا بالتقدم فى العمر
- عند عمر 1 يوم ....32 درجه
- تقل كل يوم (نص درجه)
- حتى تصل إلى 21- 22 درجه عند عمر التسويق



التعقيم

- يتم تعقيم المكان دوريا بين كل دوره ودوره تاليه (15-20 يوم )
الدوره الأولى 45 يوم ....ثم تعقيم لمده 15-20 يوم ...ثم الدوره الجديده 45 يوم ..وهكذاااا
تختلف حاله التعقيم من دوره لدوره على حسب حاله الطيور فى الدوره السابقه

- ينبغى تعقيم كل من يدخل المزرعه لضمان عدم انتقال الأمراض من مزرعه لأخرى خاصه الأطباء البيطرين ..نظرا لتنقلهم المستمر من مزرعه لأخرى



أهم الأمراض

1- كوكسيديا
( Coccidiosis)



من الأمراض الشائعه وشديده الخطوره فى مصر

- تتسبب فى حدوث نافق عالى ..كما تحدث تآكل فى لحم الدواجن فتقل الأنتاجيه
- تختلف على حسب الضراوه والمراحل المختلفه ونوع الميكروب المسبب
- طريقه العدوى: أرتفاع نسبه الرطوبه فى الفرشه

العلاج : حسب مرحله العدوى
المرحله الأولى :
- رائحه كريهه جدا
- أسهال لونه أصفر فاتح
العلاج : Amprol سائل .... 1 سم / لتر
Vit K3 .....1جم / لتر
ولمده 12 ساعه يوميا لمده 3 أيام
المرحله المتوسطه :
- أسهال لونه بنى غامق جداا (شيكولاته )
العلاج : Amprol plus 1جم / لتر
Coccivi نص جرام / لتر
ولمده 8 ساعات يوميا لمده 3 أيام

المرحله المتأخره :
- أسهال مدمم به بويضات
العلاج :سم Diclazoril
سم Bicox

Tolitetrazol سم
Pharmacox نص سم
ولمده 8 ساعات يوميا لمده 3 أيام




2-




كلوستريديا

(Clostridia)

- يعتبر من الأمراض التى لا تقل خطوره عن الكوكسيديا من حيث النافق وأهدار اللحم
ويليه مباشره وبالتالى يعالج الأتنين فى وقت واحد
- ميكروب لا هوائى ...يموت فى وجود الهواء
- الأعراض :
البراز ...طحينى اللون
بالتشريح ..أنتفاخ ال Cecum
- العلاج :
Ampicillin , Tetracyclin, Amoxyciliin ,Suramox





3-


ميكوبلازما

( Mycoplasma)
(CRD)
الأعراض :
- الشخير بدرجاته Snorting
- صعوبه البلع
- يمد رقبته
- إذا تم اهماله ...يتحول ل ND ..ويعطى براز أخضر
العلاج :
أختبار الحساسيه ( (Culture & Senstivity لتحديد المضاد الحيوى الأنسب




4-


سموم

(Toxins)

- تنشأ السموم نتيجه للمواد الخام الغير صالحه للأستخدام (الذره , الصويا . ....... )
- تتسبب فى خسائر كبيره جدا ..نظرا لأنها تنشأ فجاه
- تتسبب فى تضخم حاد بالكبد والمراره .....نزيف حاد
وتضخم بالكلى ..................يؤدى فى النهايه لفشل كلوى
-ولتقليل حجم الكارثه يتوجب أختيار المواد الخام الجيده جدا فى تصنيع العلف
- عند حدوث تسمم بالقطيع يتم معالجته بأستعمال مركب Cinertox
وهو أقوى مركبات مضادات السموم فى السوق
جرعته نص سم / لتر / 8ساعات
- ينبغى أيضا أستخدام غسيل كلوى Renel

10:07 PM
اقرأ المزيد
مرسلة بواسطة في 10:07 PM 0 التعليقات
Subscribe to: Posts (Atom)